*సత్సంకల్పం*

సమాజ హితంకోరి  జరిగిన సత్సంకల్పాన్ని,  సదాశయాన్ని  అడ్డుకోవడo, నాశనం చేయడం ఎవరి తరమూ కాదు. ఆ సంకల్పo ఎవరిద్వారా జరిగినా,

అది ప్రకృతి ప్రేరేపితం.

నీవు నిరాశ పడకుంటే చాలు.

నీ విజయానికై..ఎవ్వడు నిన్ను పిలిచి తివాచీ పరచడు*.

ఒడివుతామనే భయంతో ఆటలో దిగితే ఎప్పటికీ గెలవలేం...

*****************************************

                                

*నీవు నిరాశ పడకుంటే చాలు*...

నిరంతరం ప్రయత్న శీలికి

ఒకటి కాకపోతే..వంద మార్గాలు..

ఆకాశమంత అవకాశాలు..నిరంతరం ఆహ్వానం పలుకును

ఒక్కదానితో తృప్తి పడే అవకాశం దొరికినోడు

అభివృద్ధి కుంటుబడి అక్కడే ఆగిపోవును

వాడిజీవితం ఓ మ్రొక్కుబడిగా సాగుతుండును

కుక్కిన పేనువలె ఓ చోట పడిఉండును

చిన్నపాటి అవకాశాన్ని అదృష్టంగా భావించినావంటే..

నీ బ్రతుకు బానిస వలె బంధీ కాబడును

అలాకాకుండా...

నిత్యం అప్పుడే రెక్కలు తొడిగిన సీతాకోకచిలుక వలే

పరవశం చెందుతూ ప్రకృతిలో ని అందాలను తిలకిస్తున్నట్లుగా...సమాజంలో తిరుగాడుతుండాలి

నీ విజయానికై ఎవ్వడూ కూడా

మరీ నిన్ను పిలిచి పిలిచి తివాచీ పరచడు

అవకాశం దొరికితే...

తనవాడు,మనవాడనకుండా నవ్వుతూనే

హేళన చేయచూసెదరు

*అతిగా ఎదురుచూడని మనిషి...    అనవసరంగా సహాయాన్ని అర్తించని మనిషి, క్రమక్రమంగా తను శక్తివంతుడిగా ఎదుగుతూ*.. *తనతోపాటు ఓ నలుగురిని ఉద్ధరించడమే

తన కర్తవ్యంగా భావిస్తూ ఆ దిశవైపు... నిశ్చబ్ధంగా తన నిర్ణయం ప్రకారం పయనించును*

చెదరని చిరునవ్వే...

తన చిరునామాగా తెలుపుతూ

నివురు కప్పిన నిప్పు వలే...

*లోలోపల మనసులో నిప్పును నిరంతరం రాజేస్తూ.. విజయాన్ని ముద్దాడే వరకు*.

*నీకు నీవే రాజీలేని పోరాటాన్ని కొనసాగించాలి*

ఓ బ్రహ్మాండమైన సామ్రాజ్యాన్ని/ వ్యవస్థను స్థాపించాలి.

*ఓడిపోతామనే భయంతో ఆటలో దిగితే ఎప్పటికీ గెలవలేం*...

గెలువాలనుకున్నవాడు పోరాటం నుండి తప్పుకోడు, పోరాటంలో ఉన్నవాడు ఎప్పటికైనా గెలుస్తాడు.

:~ జయమగుగాక.

~~~~~~~~~~~~~ 

శరనుకోరు తల్లిని

చరణాలకు  ప్రణమిళ్ళీ శరనుకోరు తల్లిని🙏...

సంఘర్షణ సమయానికి శక్తి వరము లిమ్మనీ...

శక్తి వరము లిమ్మనీ...

*జీవితం ఓ సాధన*

*కష్టాన్ని నిలువరించే సులభోపాయాలేమీ లేవు, అడ్డదారులు, దొడ్డిదారులు ఉండవు*.

నష్టం అనగానే కన్నీళ్లు ఉంటాయి, కలతపడటమూ ఉంటుంది. *దానికి నివారణోపాయం మనోధైర్యంతో ఎదుర్కోవడమే 

సంయమనంతో సమాధానపడటమే.*

అప్పుడు స్థిరంగా పాతుకుపోతుందనుకుని భయపడిపోయిన *మేరు పర్వతమంత కష్టమైనా కదిలిపోతుంది,ఎగిరిపోతుంది.*  *కష్టం కాలంలాంటిది. కదలడమే దాని లక్షణం. కదిలిపోవడమే దాని స్వభావం. కాలంతోపాటు ఆ కాలంలో సంభవించిన కష్టమూ కదిలిపోతుంది.*

జీవితం చాలా విలువైంది 

నిజానికి విలువ కట్టలేనిది 

జీవితంలోని ప్రతిక్షణం కూడా

ఏ కష్టం దాని విలువను తగ్గించగలదు?.

మనం లోతుగా ఆలోచించాలి.

కష్టాలు, కన్నీళ్లు... 

ఇవన్నీ అధిగమించగలిగినవి          *కాలం అంటే క్షణాల కూర్పు. క్షణాల మార్పు. ఏ శక్తీ ఏ క్షణాన్నీ ఆపలేదు.* *కరిగిపోయేదాని కోసం, కదిలిపోయే దానికోసం మన ప్రయాణం మన ప్రగతి ఆగిపోకూడదు.*

ఏ కష్టం కోసమైనా సరే

జీవితం తాలూకు ఏ క్షణాన్ని పోగొట్టుకోకూడదు.      కాలంలో సంభవించిన ఏ కష్టమైనా సరే              దానితోపాటు కదిలిపోతూనే ఉంటుంది.

కొత్త క్షణం వస్తుంది.

దానితోపాటే కొంత సుఖం రావచ్చు.

కొత్త సుఖం రావచ్చు. పోనీ...

కనీసం కొత్త కష్టమైనా రావచ్చు.

వచ్చి స్థిరపడిపోతుందని భయపెట్టిన

కష్టం కంటే కొత్త నష్టం కొంత మేలుకదా ?

అలవోకగా వచ్చిన కష్టానికి అవగాహనలేక...          ఆయాసపడి ఆగిపోతే- లోకంలో భగవంతుడిచ్చిన

జీవితాన్ని పూర్ణంగా జీవించేవాడే ఉండేవాడు కాదు.

లోకంలో విజేత అనేవాడు ఒక్కడూ ఉండేవాడు.

కాదు. మార్పు ప్రకృతి సహజం *

రుతువులు మారతాయి *

రాత్రింబవళ్లు మారతాయి 

సూర్యచంద్రులూ. మారనిదేదీ లేదు.

మార్పే జీవితం! జీవితం అంటే కూడా మార్పే...

పిల్లలు పిల్లకాలువలో వేసిన

కాగితపు పడవలా కాలం కదిలిపోతుంది.

మనం పిల్లల్లా వినోదంగా చూడాలి.

వాళ్లకు తెలుసు. పడవ చాలా కష్టపడి చేశామని         నీళ్లలో వదిలేస్తే కాసేపటికి మునిగిపోతుందని  తడిసిపోతుందని. అయినా ......

క్రీడావినోదం కావాలంటే

ఆ కష్టానికి వెరవకూడదు.

ఆ నష్టానికి బెదరకూడదు. సిద్ధపడే ఉండాలి.

పిల్లలు మునిగిపోతున్న పడవకేసే చూస్తూ            బాధపడుతూ కూర్చోరు. పరుగున వెళ్లి

మరో కాగితం తెచ్చుకొని మరో పడవ తయారుచేస్తారు.

టైటానిక్‌ చేసినంత ఉత్సాహంతో.

మనం పిల్లలపాటి చేయమా ?

ఆ మాత్రం అనర్థాలను

ఆటంకాలను అధిగమించలేమా ?

దేవుడు ఈ క్షణాన్ని యథాతథంగా అనుభవించమన్నాడేగానీ క్షణంలోనే

స్థిరంగా ఉండిపొమ్మని చెప్పలేదు 

అది సుఖమైనా, కష్టమైనా 

కష్టాన్ని కదిలిపోతున్న

క్షణంతోపాటు మరచిపోవాలి.

కదిలిపోతున్న క్షణాన్ని మనం

మూర్ఖత్వంతో ఆపివేస్తున్నాం.

పదేపదే ఆ క్షణాన్ని, అది ఇచ్చిపోయిన కష్టాన్ని నెమరువేసుకుంటూ అనుభవిస్తున్నాం.

అది సరికాదు.

మనముందు ఎవరూ ఆపలేని

మరో అద్భుత క్షణం ఉంది. 

మరెన్నో అమృత క్షణాలున్నాయి 

వాటికి అవకాశం ఇస్తూ గడిచిపోయిన

క్షణాన్ని సంతోషంగా సాగనంపుదాం.

*నెమరువేసే అలవాటు పశువులది. మనది కాదు*

 నెమరేయాలనిపిస్తే  సంతోషాలను నెమరేసుకో.. నీకు ఉత్సాహo వస్తుంది... ఇంకొందరికి స్ఫూర్తి దొరుకుతుంది.

చరణాలకు  ప్రణమిళ్ళీ శరనుకోరు తల్లిని🙏...

సంఘర్షణ సమయానికి శక్తి వరము లిమ్మనీ...

శక్తి వరము లిమ్మనీ...

అవార్డులు_దైవ నిర్ణయం.

దైవ నిర్ణయాన్ని శిరసావహించాలసిందే..    ఒక బడిలో ఒక్క విగ్రహం పెడతాం అంటే అడ్డుకుoటే... ఒకే ముహూర్తానికి 108 బడుల్లో 108 సరస్వతి మాత విగ్రహాలు పెట్టె శక్తినిచ్చి మాచే రికార్డులు అందుకునేలా చేసిన అమ్మవారు🙏... అడ్డoకులలోనే  అందనంత ఎత్తుకు ఎదికే అవకాశాలను ఇస్తుంది ప్రకృతి. అవకాశం అందిపుచ్చుకోవడమే సాధకుని లక్షణం కావాలి.

సమాజకార్యo - ఉపకరణం

సమాజాహితం కోరి సంకల్పించిన ప్రతీ కార్యానికి ఉపకరణాలను ఆ ప్రకృతే వెతుక్కుంటుంది, తయారు చేసుకుoటుంది, పని పూర్తిచేసుకుoటుంది..

ఆ ఉపకరణాలలో  మనమూ ఉంటే, అదో అద్భుత అవకాశమే..

వీరపట్నం పెద్దచెరువు మాట

చిరుజల్లులను స్వాగతిస్తూ, నిండుగా పారే వాగులకై ఎదురుచూస్తూ, చిన్న అలలను పైకి ఎగదోస్తూ మహా సముద్రంలా మాయ చేస్తున్న మన #వీరపట్నం #పెద్దచెరువు.
    రెండేళ్ల క్రితం కురిసిన వానకు నీటితో నిండుగా మారిన  #పెద్దచెరువు ఈ సారి కురిసే వానలకు పొంగి పొర్లుతూ మనందరికీ ఆనందాన్ని పంచాలని, ఇంకో పదేళ్ళకు కావలసిన జలదారను తన పరిసరాలను పంచాలనీ ఆశిద్దాం.
బోలో #గంగామాతాకిజై.
************************

ఇప్పుడు కురుసుతున్న వానలకు సoతోషపడుతూ.... మనతో
మన పెద్దచెరువు మాట-మoతి.

ఒరేయ్... బాబులూ..
ఎన్నో ఏళ్లుగా ఎండిన నేను, రెండేళ్ల క్రితం కురిసిన వానలతో నా ఒడిని నింపుకున్నా... నాతో పాటు మీరూ ఆనంద పడుతున్నారుగా....
అయినా ఎదో వెలితిరా బాబులు..

ఎన్నో ఎకరాల్లో ఉన్న నన్ను ఎక్కడికక్కడా, కొద్ది కొద్దిగా, మెల్ల మెల్లగా కబ్జాలు చేస్తున్నా ఎవరూ పట్టించుకోవట్లే.. అది మీకే నష్టoరా అని చెప్పినా అర్థం అవుతలేదు.

నా కడుపున మొలిసిన కలుపు మొక్కలు@ అవే #సర్కారుతుమ్మలు కొట్టండిరా, నేను నా ఒడి నిoపుకుని *మన బెస్తల వృత్తికి ఊతమిస్తా* అని ఎంత మొత్తుకున్నా ఎవరూ వినలే,  ఇప్పుడు చూడండి మా #వరుణడు, #గంగమ్మ  పదురుకుని ఎలా ఆడుకుంటున్నారో...

దూరంగా, అక్కడక్కడా పడ్డ వర్షపు నీరు వాగుల గుండా అచ్చి నా ఒడిన దాచుకుంటా ఉంటే, అక్కడక్కడ మోసంతో  ఆ వాగులనూ మూస్తిరి, ఆ మోసం ఎల్లకాలం అట్లనే సాగదురా అంటే వినకుంటిరి...
మా వరుణుడికి ఒక్కసారి గట్టిగా కోపం వస్తే మీ మోసాలకు మొదటికే మోసం వస్తది.....
మీ వల్ల చుట్టుపక్కలున్న  అమాయక రైతులకే నష్టం ఎక్కువ జరుగుతదoటే వినకపోతిరి... ఎందుకంటే చుట్టుపక్కల  భూమ్మీద పడ్డ గoగమ్మ ఎవరి మాట వినకా, పారుకుంటా, పారుకుంటా, పారుకుంటా...  నా ఒడిలోకే వచ్చి చేరుతది.
ఆ విషయం మీకూ ముందే చెప్పారు పెద్దలు *బెహతా హువా పానీ కుధీ అప్నా రాస్తా బనాలేతా* అని..
ప్రవహిoచే గంగమ్మను  అవడం ఎవరి తరమూ కాదు, దారి చూపడం కూడా కష్టమే.. అందుకే  మీరు ముందే జాగ్రత్త పడాలి మరి...
అయినా అతి కష్టంగా, నా ఒడిన చేరిన నీటితో మీకే ఆనందాన్ని, ఆహ్లాదాన్ని ఇస్తానని తెలిసినా..... నా ఒడిలోని నీటిని కాపాడలేకున్నారు మీరు..   
అక్కడక్కడా పొక్కలుపడి నీరు  జారిపోతున్నా.. ఆపుకుని, కాపాడుకుందామన్న సోయిలో మీరు లేరు....

#ఒక్కTMC కూడా పట్టవు నీ ఒడిన అన్న ఎగతాలా    లేక          నీ చుట్టూతా నీ సాయంతో చేసే వ్యవసాయం బంద్ చేసి రియల్ ఎస్టేట్ చేస్తున్నామన్నా పొగరా*...
అది ఏదైనా మీకే నష్టంరా బాబులు..

నన్ను జాగ్రత్తగా కాపాడుకుంటేనే మీకూ  ఆనందం, ఆహ్లాదం పంచుతా..

పైనుండి మా శివయ్య పంపిన ప్రతీ నీటి బొట్టును ఒడిసి పట్టి, నా పొట్టన దాచుకుంటే మీకే కాదు,  రేపటి మీ తరానికీ ఓ నీటి గుమ్మినవుతా... చరిత్రలో చిరస్తాయిగా ఈ ప్రాంతానికి ఓ పేజీ ఇప్పిస్తా...

అందుకే ఆ శివయ్య అనుగ్రహించి పంపే ప్రతీ నీటి బొట్టును ఒడిసి పట్టి నా ఒడిలో నింపoడి....దాచoడి......కాపాడుకోoడీ.
కాదు, లేదు, కూడదు అంటే ఇగ మీ ఇష్టం

:~ మీ #వీరపట్నం #పెద్దచెరువు.

అంజీర్ చెట్టు @ కుటీర్

*రెoడేళ్ళ క్రితం సాధన కుటీర్ లో బండరాళ్ళ మధ్య నాటిన అంజీర్ మొక్క, చెట్టయి కాయలు కాయడం మొదలు పెట్టింది. ఎండిన అంజీర్ తినడమే కానీ, ఆ చెట్టును- పండును ప్రత్యoక్షగా చూడటo ఇదే మొదటిసారి.*

అన్ని కాయలు చెట్టు కొమ్మలకి కాస్తే, ఈ అంజీర్ చెట్టు మొదట్లో కాయ కాసింది.. మొత్తం తెలవాలంటే కొన్ని రోజులు ఆగాల్సిందేనేమో.

బండరాళ్లలో నాటుతున్న ఈ మొక్కలు ఎదగడo చాలా కష్టం అన్నవారు ఆశ్చర్యపోయే విషయమే ఇది.

Credit goes to SADHAKS @ Sadhana Kuteer.