ROYAL ENFIELD BIKE RALLY

🙏 శ్రీ పంచముఖ హనుమత్ అనుగ్రహ యాత్ర – కృతజ్ఞతాభివందనాలు 🙏

శ్రీ హరివర అఖండ క్షేత్రం, పెద్ద చెరువు, వీరపట్నం తరపున, పంచముఖ హనుమాన్ అనుగ్రహ యాత్ర పేరుతో నిర్వహించిన Royal Enfield Bike Rallyలో పాల్గొన్న ప్రతి కార్యకర్తకు హృదయపూర్వక శుభాకాంక్షలు, ధన్యవాదాలు.

ఇది కేవలం ఒక బైక్ ర్యాలీ మాత్రమే కాదు… ఒక పవిత్రమైన, శక్తివంతమైన దైవ కార్యంలో మనమంతా భాగస్వాములమవుతున్నామనే భావనతో, భక్తిశ్రద్ధలతో పాల్గొన్న ప్రతి ఒక్కరికీ ప్రత్యేక కృతజ్ఞతలు.

“సంకల్పం మనది… అనుగ్రహం హనుమాన్‌ది!” అనే నమ్మకంతో సంకల్పించిన 108 అడుగుల శ్రీ పంచముఖ హనుమాన్ విగ్రహ నిర్మాణంలో, వీరపట్నం పెద్ద చెరువుతో అనుబంధం ఉన్న ప్రతి హృదయాన్ని భాగస్వామ్యం చేయాలనే ఉద్దేశంతో అనేక కార్యక్రమాలు నిర్వహిస్తున్నాం.

అందులో భాగంగా, 7 మండలాల్లోని 108 గ్రామాలను అనుసంధానిస్తూ సాగిన సుమారు 230 కిలోమీటర్ల ఈ యాత్ర నేడు అత్యంత అద్భుతంగా, విజయవంతంగా పూర్తయింది.

తమ సొంత వాహనాలను సమకూర్చుకుని, స్వంత ఖర్చులతో, అత్యంత క్రమశిక్షణతో ఈ యాత్రలో పాల్గొన్న ప్రతి అఖండ సైనికునికి హృదయపూర్వక శుభాకాంక్షలు.

ప్రత్యేకంగా హైదరాబాద్ నుంచి తరలివచ్చి, తమ విలువైన సమయాన్ని వెచ్చించి, స్వంత వాహనాలతో, స్వంత ఖర్చులతో ఈ పవిత్ర యాత్రలో ఉత్సాహంగా భాగస్వాములైన బైక్ రైడర్స్‌కు హృదయపూర్వక అభినందనలు. దూరాభారాన్ని సైతం లెక్కచేయకుండా, ఒక పవిత్ర సంకల్పం కోసం మీరందించిన భాగస్వామ్యం, అంకితభావం అభినందనీయం. మీ అందరి సహకారం ఈ యాత్రకు మరింత ప్రత్యేకతను తీసుకొచ్చింది.

యాత్ర సాగేందుకు ఆర్థిక సహాయం అందించిన సహృదయులకు అఖండ క్షేత్రం తరపున ప్రత్యేక కృతజ్ఞతలు.

అదేవిధంగా,

• యాత్ర పొడవునా అల్పాహారం అందించిన నెర్రపల్లి గ్రామ సర్పంచ్ గారికి, సభ్యులకు.

• మధ్యాహ్న భోజనం ఏర్పాటు చేసిన జ్ఞానసరస్వతి దేవాలయం, నందివనపర్తి వారికి, అలాగే అక్కడ మాకు ఆత్మీయ స్వాగతం పలికిన గ్రామ సర్పంచ్ గారికి.

• యాత్ర ముగింపు సమయంలో అల్పాహారం ఏర్పాటు చేసిన మాదాపూర్ గ్రామ సర్పంచ్ గారికి.

• మన యాత్ర విశేషాలను సమాజానికి చేరవేసిన పాత్రికేయ మిత్రులకు, సహకరించిన పోలీసు శాఖ అధికారులకు ప్రత్యేక ధన్యవాదాలు.

ముఖ్యంగా… యాత్రకు ముందస్తు ఏర్పాట్ల కోసం తమ విలువైన సమయాన్ని వెచ్చించి, ప్రతి అంశాన్ని బాధ్యతగా నిర్వహించి, యాత్ర విజయవంతం కావడానికి కృషి చేసిన మన తోటి కార్యకర్తలందరికీ ప్రత్యేక అభినందనలు.

అలాగే యాత్ర సమయంలో వివిధ బాధ్యతలను సమర్థవంతంగా నిర్వహించిన వారందరికీ, ముఖ్యంగా సాంకేతిక విభాగం సభ్యులకు హృదయపూర్వక శుభాకాంక్షలు.

ఈ యాత్ర మనలో నింపిన స్ఫూర్తి, ఐక్యత, క్రమశిక్షణ, సమర్పణ భావాలను ఇలాగే కొనసాగిద్దాం.

108 అడుగుల శ్రీ పంచముఖ హనుమాన్ విగ్రహ నిర్మాణ సంకల్పం సాకారమయ్యే వరకు ఇదే పట్టుదలతో, ఇదే అంకితభావంతో ముందుకు సాగుదాం!

🚩 జై శ్రీరామ్! జై హనుమాన్! 🚩

సదా వెంకట్
అఖండ క్షేత్రం, వీరపట్నం.