పద్యాల తోరణ సారథుల సమావేశం

పద్యాల తోరణం సారథుల బృందానికి నమస్సుమాంజలి 💐

జ్ఞానసరస్వతి ఫౌండేషన్ తరపున హృదయపూర్వక శుభాకాంక్షలు 💐

తెలుగు భాషను భద్రంగా భావితరాలకు అందించాలనే మహత్తర ఆశయ సాధనలో భాగంగా నిర్వహిస్తున్న “పద్యాల తోరణం” కార్యక్రమ స్వరూపం మనందరికీ తెలిసిందే. గత సమావేశాల్లోనూ దీనిపై సమీక్షించుకున్నాం.

మనకు సమయం చాలా తక్కువగా ఉంది. ఉన్న సమయంలోనూ వివిధ పాఠశాలల్లో వివిధ కార్యక్రమాల నిర్వహణతో మనపై బాధ్యతలు, ఒత్తిళ్లు ఉంటాయి. అయినప్పటికీ, “పద్యాల తోరణం” కార్యక్రమాన్ని విజయవంతం చేయాలనే సంకల్పంతో మనందరం సిద్ధంగా ఉన్నాం.

రంగారెడ్డి జిల్లా స్థాయిలో నిర్వహిస్తున్న ఈ కార్యక్రమం, భవిష్యత్తులో ఇతర జిల్లాల్లోనూ ఇలాంటి కార్యక్రమాలు నిర్వహించేందుకు ఒక మార్గదర్శకంగా నిలవాలనేది మన ఆకాంక్ష. అందువల్ల మనందరం మరింత శ్రద్ధతో, సమన్వయంతో పనిచేయాల్సిన అవసరం ఉంది.

ఈ రోజు జరిగిన Google Meet సమావేశానికి అన్ని మండలాల బాధ్యులు హాజరు కాలేకపోవడంతో కొన్ని ముఖ్యమైన నిర్ణయాలు తీసుకోలేకపోయాం. అందువల్ల వచ్చే శుక్రవారం మరోసారి సమావేశం నిర్వహించాలని నిర్ణయించాం.

కావున ఆ సమావేశానికి అందరం తప్పనిసరిగా హాజరై, మిగిలిన అన్ని అంశాలపై చర్చించి, అవసరమైన నిర్ణయాలను పూర్తి చేద్దాం.

ఈ కార్యక్రమం కోసం శ్రీ రంగరాజు గారి సంకలనంతో రూపొందిన “పద్యాల తోరణం” పుస్తకం, శ్రీ దొరవేటి గారి పర్యవేక్షణలో ముద్రణను పూర్తి చేసుకుని, శుక్రవారం నాటికి మనకు అందుబాటులోకి రానుంది.

కావున మిగిలిన కార్యక్రమాల పట్ల కూడా ఉత్సాహంతో, బాధ్యతతో ముందుకు సాగుదాం. తెలుగు భాషా వైభవాన్ని భావితరాలకు అందించే ఈ మహత్తర యజ్ఞంలో మనమంతా భాగస్వాములమవుదాం.

ఈ ఉత్సవ నిర్వహణలో భాగస్వాములవుతున్న ప్రతి ఒక్కరికీ హృదయపూర్వక ధన్యవాదాలు. 🙏💐

~ సదా వెంకట్

జ్ఞానసరస్వతి ఫౌండేషన్

సాధన కుటీర్, వీరపట్నం (IBP)