*ధర్మో రక్షతి రక్షితః*
ధర్మం...
*ఆవేశ పడేవారికి, ఆయాస పడేవారికి, ఆక్రోశ పడేవారికి కాదు!*
ధర్మం...
*సత్యం, సహనం, సాహసం గలవారికి మాత్రమే!*
***
యుద్ధం అంటే కోలాటం కాదు!
కత్తులతో సావాసం!
ధర్మం అంటే దంచి కొట్టే ఉపన్యాసం కాదు!
ప్రాణాలతో చెలగాటమాడే విన్యాసం!
శ్రీరాముడు ధర్మం వైపు నిలబడ్డాడు...
భార్యను రాక్షసుడు ఎత్తుకు వెళ్లాడు!
యుద్ధంలో తమ్ముడు మూర్ఛపోయాడు!
ఇప్పటికీ పనికిమాలిన, దిక్కుమాలిన వెధవల చేత...
రాముడు నానా మాటలు పడుతూనే ఉన్నాడు!
పాండవులు ధర్మం పక్షాన నిలిచారు...
భార్యని కాపాడుకోలోక పోయారు...
కొడుకులైన ఉప పాండవుల్ని చంపుకున్నారు...
సాక్షాత్తూ శ్రీకృష్ణుని మేనల్లుడైన అభిమన్యుడు నేలకూలాడు...
భీముడి కొడుకు ఘటోత్కచుడు కురుక్షేత్రంలో బలయ్యాడు...
ద్రౌపది పుట్టింటి వారు కూడా రణరంగం నుంచీ తిరిగి రాలేదు...
శ్రీకృష్ణుని స్వంత వంశం కొడుకులు, మనవళ్లతో సహా...
పశ్చిమ సముద్ర తీరంలో చూస్తుండగానే కొట్టుకుపోయింది!
ధర్మం పట్టుకున్నందుకు...
శ్రీరాముడు, శ్రీకృష్ణుడు, పాండవులే మూల్యం చెల్లించారు!
మనం ఎంత? మనకు ఎదురయ్యే చిన్నపాటి ఓటములెంత?
వెనుదిరిగామా? వెనక్కితగ్గామా? రెండూ వేర్వేరు!
గెలిచింది ధర్మమా? ధర్మమే గెలుస్తుందా? అన్నీ ఒక్కటి కాదు!
ధర్మం గెలిచేదాకా... ఎన్నైనా, ఎవరైనా గెలవవచ్చు...
కానీ, *అంతిమంగా ఏది గెలుస్తుందో, ఏది నిలుస్తుందో... అదే ధర్మం*!
*ధర్మంతో... ధర్మం కోసం... చేసే ప్రయాణం*...
ఉద్యానవనంలో ఉరుకులు, పరుగులు కాదు!
ఎడారి ఎర్రటి ఇసుకలో... ఎండలో... ఏమీలేని...
నగ్న పాదాలు చేసే నడక అనే వీర పోరాటం!
ధర్మం...
*ఆవేశపడేవారికి, ఆయాసపడేవారికి, ఆక్రోశపడేవారికి కాదు!*
ధర్మం...
*సత్యం, సహనం, సాహసం గలవారికి మాత్రమే!*
*ధర్మో రక్షతి రక్షితః*
సేకరణ SM🚩
No comments:
Post a Comment